ფეხმძიმე ქალი სამსახურში ))

 

 ბევრი ფეხმძიმე ქალი მუშაობს სხვადასხვა მიზეზების გამო, ზოგს წარმატებული კარიერის შეწყვეტა ან მაღალანაზღაურებადი სამუშაო ადგილის დაკარგვა არ სურს, ზოგი კი ფინანსური მდგომარეობის გამო არ ანებებს თავს სამსახურს.
   ძნელია ფეხმძიმე ქალისთვის მუშაობა. რა თქმა უნდა, არსებობენ ისეთი ქალები, რომელთათვისაც ფეხმძიმობის პერიოდი ყოველგვარი სირთულის გარეშე მიდის, მაგრამ უმეტესობას აწუხებს უგუნებობა, ტოქსიკოზი, ფეხმძიმე ქალისთვის ძნელი გადასატანია ტრანსპორტირება.
  უმრავლესობას ძნელად გადააქვს თამბაქოს სუნი, არ არის აუცილებელი თანამშრომელი ეწეოდეს სამუშაო ადგილზე, როდესაც ის ბრუნდება მოსაწევი ოთახიდან, შემოაქვს სუნი, რომელიც საკმარისია იმისთვის, რომ ფეხმძიმე ქალმა უგუნებოდ იგრძნოს თავი.
   ასევე ძნელია ჯდომითი სამუშაო, როდესაც ადამიანი დიდხანს ზის, ორგანიზმის ზეწოლა ხერხემალზე ხდება, რადგან ფეხმძიმე ქალი წონაში საკმაოდ იმატებს, ბოლო თვეებში ეწყება წელის არეში ტკივილი. მედიცინის მუშაკები კომპიუტერთან ჯდომას  ნაყოფისთვის საზიანოდ მიიჩნევენ.
  როდესაც ფეხმძიმე ქალი მუშაობს, ძნელია აკონტროლოს სწორი კვება, რაც ძალიან აუცილებელია ამ პერიოდში.
   ყველამ კარგად იცის, რომ ფეხმძიმე ქალის ხასიათის ცვლილება, გამოწვეულია მათ ორგანიზმში ჰორმონალური ფონის ცვლილებით, ამიტომ უბრალო კითხვაზე –  ”რატომ დევს ეს საქაღალდე აქ?” მას შეიძლება ცრემლი წამოუვიდეს.

 

   როგორ უნდა მოიქცეს ფეხმძიმე ქალი, რომ დეკრეტამდე მშიდად შეძლოს მუშაობა?

  •    მოელაპარაკეთ თქვენს უფროსს, თქვენს შესასრულებელ სამუშაოს ნუ გადაანაწილებთ მთელ სამუშაო დროზე, არამედ შეასრულეთ ის უფრო ჩქარა, ნაკლებ დროში. თუ თქვენი უფროსი თანახმა იქნება, დარჩენილ დროს თქვენ მოახერხებთ ქალთა კონსულტაციაში წასვლას. 
  •  თუ თქვენ არ გყავთ მანქანა, ეცადეთ არ იაროთ სამარშრუტო ტაქსით ”მარშუტკით”, ავტობუსი ბევრად კონფორტულია, ან მოძებნეთ თქვენს ახლოს ისეთი ადამიანი, რომელიც იგივე მარშრუტით მოძრაობს და ეცადეთ გადაჭრათ ტრანსპორტის პრობლემა.
  • აუცილებლად ატარეთ სადილი სამსახურში.
  •  ეცადეთ არ იჯდეთ დიდხანს, ადექით და თუნდაც ოთახში გაიარ-გამოიარეთ.
  •  თუ თქვენ ისეთი პროფესია გაქვთ, რომელიც არ მოითხოვს დილიდან საღამომდე ოფისში ჯდომას (ბუღალტერი, ჟურნალისტი,,,), შეგიძლიათ სამუშაო სახლში შეასრულოთ.

  

     თუ თქვენში ფეხმძიმე ქალი თბილ გრძნობებს არ იწვევს, და ფიქრობთ რომ მას, შვილის მეტი არაფერი არ აინტერესებს, მითუმეტეს სამსახური, თქვენ ცდებით. თუკი ფეხმძიმე ქალმა გადაწყვიტა იმუშაოს დეკრეტამდე, ეს იმას ნიშნავს, რომ სამსახური მას ძალიან სჭირდება, ბავშვის დაბადების მერე კი უფრო მეტად დასჭირდება, იმისათვის, რომ შვილი გაზარდოს, აღზარდოს და განათლება მისცეს და რამდენიც არ უნდა ვილაპარაკოთ იმაზე, რომ ჩვენი დიდი ბებიები ადვილად და არაკონფორტულ, არაცივილიზირებულ პირობებში აჩენდნენ შვილებს,  დაფიქრდით იმაზეც, რომ ისინი სუფთა ჰაერზე და ჯანსაღ გარემოში ცხოვრობდნენ და  მხოლოდ ნატურალური პროდუქტებით იკვებებოდნენ.
   არც თანამშრომლებისთვის არის ადვილი ფეხმძიმე ქალის გვერდით მუშაობა. ხან ცუდად არის, ხან ქალთა კონსულტაციაშია წასასვლელი და ხან ექიმი რამდენიმე დღიან წოლით რეჟიმს  უნიშნავს . ასეთ დროს, თანამშრომლებს უწევთ მისი სამუშაოს შესრულება.  
  ხშირად,  ფეხმძიმე ქალის შესრულებულ სამუშაოს ზერელედ უყურებენ, ”რა უნდა გააკეთოს, დეკრეტამდე მიაღწევს და ,,,”. ზოგს შეიძლება პრეტენზია ქონდეს, რომ ის ძალიან პრეტენზიული გახდა ბოლო პერიოდში, ”ხან არ მოწიოო, ხან ფანჯარა დახურეო”, ზოგიერთმა ქალბატონმა კი შეიძლება ასეთი ფრაზაც თქვას ”მეც გავაჩინე 2 შვილი და არც არავინ შემიწუხებია”.  მაგრამ, საბედნიეროდ, ყველა ასე არ იქცევა, უმრავლესობა, ფეხმძიმე თანამშრომელს უფრთხილდება, თბილად და ყურადღებით ექცევა.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: