კითხვარის თითოეული პუნქტის გასწვრივ დაიწერეთ ქულები ერთიდან ხუთამდე, პასუხები კორექტულად და ობიექტურად შეაფასეთ. თითოეულ შეფასებას თავისი კონკრეტული მნიშვნელობა აქვს: 1 ქულა – არა, ასე არ არის; 2 ქულა – არა, როგორც წესი, ასე არ არის; 3 ქულა – განუსაზღვრელი შეფასებისთვის; 4 ქულა – დიახ, როგორც წესი, ასეა; 5 ქულა – დიახ, ასეა.
Read more of this post
გაინტერესებთ რამდენად დეპრესიული ხართ? მაშინ გააკეთეტ ეს ტესტი. აირჩიეთ თქვენთვის მისაღები ერთი ვარიანტი და ჩაინიშნეთ ფურცელზე.
Read more of this post
გთავაზობთ ტესტს, რომელიც საკუთარი თავის შეცნობაში დაგეხმარებათ. Read more of this post
მამაკაცების 20% თვლის, რომ კარგი დიასახლისობა მეუღლის მთავარი ღირსებაა.
ყოველი ჩვენგანი სხვადასხვანაირად ეკიდება საოჯახო საქმეებს. ზოგს ისინი ბედნიერებას ანიჭებს-ზოგს კი მძიმე ტვირთად აწევს.… Read more of this post
მეგობრებთან ერთად გართობა ბევრისთვის ცხოვრების განუყოფელი ნაწილია. ზოგიერთი, მიუხედავად მძიმე სამუშაო დღისა, ამ სიამოვნებაზე უარს არ ამბობს. მეტიც – გართობას ხშირად საქმეს, ოჯახს, საკუთარ სიმშვიდესა და ჯანმრთელობასაც კი ანაცვალებს. თუმცა ისეთი ადამიანებიც არსებობენ, რომლებსაც განმარტოება ან მშვიდ, მყუდრო გარემოში, ოჯახურ იდილიაში დასვენება ურჩევნიათ. მოდი, შევამოწმოთ, გიყვართ თუ არა გართობა. გულწრფელად უპასუხეთ მოცემულ კითხვებს. კითხვაზე დადებითი პასუხის შემთხვევაში დაიწერეთ ერთი ქულა. ქულები შეკრიბეთ.
1) გიყვართ სეირნობა?
2) გიყვართ სტუმრების გამასპინძლება?
3) არ გიჭირთ მეგობრების ხათრით წვრილმანებზე უარის თქმა?
4) შინ ყოველთვის მოგეპოვებათ რამე მოულოდნელი სტუმრების გასამასპინძლებლად?
5) სასურველ ადამიანთა კომპანიაში შეგიძლიათ დალიოთ უფრო მეტი, ვიდრე ისურვებდით?
6) გიყვართ კარგი სამზარეულო?
7) ხშირად მართავთ წვეულებებს?
8) გყავთ მეგობრები, რომლებსაც რეგულარულად ხვდებით?
9) გიყვართ მეგობრების წრეში სიმღერა?
10) გიყვართ კარგ კომპანიაში ყოფნა?
11) ადვილად მოდიხართ გუნებაზე?
12) ადვილად ურიგდებით ადამიანს, რომელთანაც უთანხმოება მოგივიდათ?
13) როდესაც წარსულზე საუბრობთ, უმეტესად სასიამოვნო ამბებს იხსენებთ?
14) როგორ ფიქრობთ, კარგი სახის ფერი გაქვთ?
15) როდესაც თავს შეუძლოდ გრძნობთ, შეგიძლიათ, ეს არ შეიმჩნიოთ და თავი ისე დაიჭიროთ, თითქოს ყველაფერი რიგზეა?
16) სათანადო ყურადღებას უთმობთ საკუთარ ჯანმრთელობას?
17) ხშირად იღვიძებთ თავატკივებული, გამოუძინებელი?
18) ხდება ისე, რომ დილით სამსახურში წასვლის ძალა არ შეგწევთ, რადგან წინა ღამით მოილხინეთ და მეტისმეტად გვიან დაწექით დასაძინებლად?
19) თუ ჯანმრთელობის მდგომარეობის გამო ექიმი მოწევასა და დალევას აგიკრძალავთ, შეძლებთ, უარი თქვათ ამ მავნე ჩვევებზე?
20) ერთხელ მაინც გიფიქრიათ: “არასოდეს დავიცავ დიეტას, რაც არ უნდა მოხდეს”?
21) ჭარბი წონა ხომ არ გაქვთ?
22) ხშირად მიბრძანდებით გასართობად მეუღლის, პარტნიორის გარეშე?
23) გიყვართ კომედიები?
24) ღამით გვიან დაწოლა გჩვევიათ?
25) დილაობით ადგომა გიჭირთ?
26) გიყვართ კლოუნადა?
27) ხშირად იგვიანებთ შეხვედრებზე?
28) სამსახურში ხშირად ხუმრობთ?
29) ყოველთვის ხართ მზად, საქმე მეორე დღისთვის გადადოთ და გასართობად გაეშუროთ?
დააჯამეთ ქულები
18-დან 22-მდე – გართობის დიდი მოყვარული ბრძანდებით. იმდენად დიდი, რომ მზად ხართ, მას სამსახური და ჯანმრთელობაც კი შესწიროთ. ხომ არ გეჩვენებათ, რომ მეტისმეტად ლაღ ცხოვრებას ეწევით?
13-დან 17-მდე – გონიერი ბრძანდებით, ზომიერება არც მხიარულებისა და გართობის დროს გღალატობთ, თუმცა შეიძლება ისეც მოხდეს, რომ თავი დაკარგოთ. ეს კატასტროფა არ არის – გააჩნია თქვენი ჯანმრთელობის მდგომარეობას და სამსახურებრივ წარმატებებს.
8-დან 12-მდე – თქვენ შეგიძლიათ დატკბეთ სიცოცხლით, მაგრამ ზომიერად. სამსახური და ოჯახი თქვენთვის გაცილებით მნიშვნელოვანია, ვიდრე გართობა. შეგიძლიათ, კარგად დაისვენოთ, თუ, რა თქმა უნდა, ეს ზიანს არ მიაყენებს თქვენს მოვალეობას.
3-დან 7-მდე – თქვენ იშვიათად ერთობით. ალბათ ამიტომაც გიჭირთ იმ სიამოვნებათა დაფასება, ცხოვრება რომ გვთავაზობს. მეტისმეტად გონიერი ხართ და მშვიდ, გაწონასწორებულ, კარგად ორგანიზებულ ცხოვრებას ამჯობინებთ. თითქოს გეშინიათ კიდეც გადაჭარბების, ჩარჩოების დამსხვრევის.
1 ან 2 ქულა – თქვენ შექმნილი ხართ ისეთი ცხოვრებისთვის, რომელიც გართობის მოყვარული ადამიანისთვის აუტანელი იქნებოდა. თქვენ ამ უკანასკნელის საპირისპირო კატეგორიას ეკუთვნით. თქვენმა ასეთმა ხასიათმა შესაძლოა ბევრი დააფრთხოს.
სასაცილოა, მაგრამ თამამად შეიძლება ითქვას, რომ პირველი სიტყვა, რომელიც ბავშვის ბაგეებს “დედასა” და “მამას” შემდეგ დასცდება, “მომეა”. ამის შემდეგ იწყება მშობლების ფილოსოფიური მსჯელობა იმის თაობაზე, რომ ჩვენს დროში სულაც არ არის ცუდი, თუ ადამიანი ადრეული ასაკიდანვე ისწავლის თავისი სურვილების ასრულებას. სამწუხაროდ, არის ისეთი შემთხვევებიც, როცა ეს სიტყვა “მინდასა” და “მიყიდესთან” ერთად ბავშვის ლექსიკონის მთავარ ელემენტებად იქცევა. დაგვეთანხმებით, არც ერთ მშობელს არ ახარებს სათამაშოების დახლთან გამართული ომი და მორიგი თოჯინისა თუ ავტომატის შეძენის დაუსრულებელი მოთხოვნა.
ხშირად ყველაფერი იმით მთავრდება, რომ მშობლებს ხელში აჰყავთ ატირებული პირმშო და სწრაფად ტოვებენ მაღაზიას. “რატომ იქცევა ასე?” _ სვამენ მშობლები რიტორიკულ შეკითხვას. იქნებ ჩვენ თვითონ ვუბიძგებთ ბავშვს ასეთი საქციელისკენ? ალბათ შეგიმჩნევიათ, რომ ზოგი ბავშვი მაღაზიაში ნამდვილ სპექტაკლს მართავს, ხოლო ზოგისთვის მკაფიოდ ნათქვამი “არაც” საკმარისია. რისი ბრალია ეს განსხვავება? ამ კითხვაზე პასუხის გაცემაში ქვემოთ მოყვანილი ტესტი დაგეხმარებათ.
ბავშვი ნაწყენია. ის გიყვებათ, რომ მისმა ჯგუფელმა ბარში სათამაშო ამწე მოიტანა და არავის ათხოვა. თქვენი რეაქცია:
1. ჰპირდებით, რომ უკეთესს უყიდით;
2. სთავაზობთ, ახლავე ითამაშოთ მშენებლობანა და ამ მიზნით მისი ყველა მანქანა გამოიყენოთ;
3. იღებთ მუყაოს და ამწეს კეთებას იწყებთ.
სამსახურში ძალიან დატვირთული ბრძანდებით და ბავშვთან ცოტა დროს ატარებთ. ამის კომპენსაციას ცდილობთ:
1. მანქანებით, თოჯინებით, რადგან იცით, რომ რაც უფრო მეტი სათამაშო ექნება ბავშვს, მით უფრო ნაკლებად იგრძნობს უთქვენობას;
2. სათამაშოებით, რომლებიც ხელს უწყობენ ბავშვის განვითარებას, რათა ბებიასთან ერთად ითამაშოს, როცა თქვენ შინ არ იქნებით;
3. ერთად გატარებული დროის ხარისხით _ თავისუფალ დროს მთლიანად ბავშვს უთმობთ.
როცა ბავშვი კარგავს ინტერესს ახალი ძვირად ღირებული სათამაშოს მიმართ, თქვენ:
1. მას აგდებთ ან სკივრში ინახავთ;
2. ახსენებთ ბავშვს მის არსებობას და სთავაზობთ, კიდევ ითამაშოს;
3. ამ სათამაშოთი ახალ თამაშს მოიგონებთ.
მიგაჩნიათ, რომ ბავშვის საჩუქარი უნდა იყოს:
1. სპონტანური;
2. კარგად დაგეგმილი სიურპრიზი;
3. საოცნებო.
ბავშვს ხელში უჭირავს მანქანა (სათლი, თოჯინა). ის ითხოვს სათამაშოს, რომელიც ძალიან ჰგავს მისას. თქვენ:
1. ყიდულობთ;
2. მერყეობთ;
3. უყვებით, როგორ უყვარს ის თავის სათლსა თუ თოჯინას.
როდის სჩუქნით ბავშვს სათამაშოს, რომელსაც გთხოვთ?
1. პირველი ან მეორე მოთხოვნისთანავე, უარს აზრი არ აქვს;
2. ერთხანს თავს იკავებთ, მაგრამ საბოლოოდ ნებდებით;
3. დღესასწაულისთვის, მაგრამ თუ ბავშვი ისტერიკას გამართავს, სულაც არ უყიდით.
ესაუბრებით თუ არა ბავშვს ფინანსური პრობლემების შესახებ?
1. არა, ბავშვი ამისთვის მეტისმეტად პატარაა;
2. დიახ, თუ სათამაშოების მაღაზიაში ვართ და ფული არ გვყოფნის;
3. დიახ, ვაგროვებთ თანხას და ვადგენთ გეგმას, ვის რა ვუყიდოთ.
ხშირად ყიდულობთ ბავშვისთვის, რასაც გთხოვთ?
1. თითქმის ყოველდღე;
2. კვირაში 3-4-ჯერ;
3. კვირაში 1-2-ჯერ.
მაღაზიაში ბავშვის ტანსაცმელს ეძებთ, მაგრამ უეცრად ხედავთ სათამაშოს, რომელიც ბავშვობისას ძალიან გინდოდათ. თქვენ:
1. კარგად დაათვალიერებთ და გზას განაგრძობთ;
2. თავს ვერ შეიკავებთ და იყიდით;
3. იწყებთ ფიქრს, როგორ დაზოგოთ ფული, რათა სათამაშო შეიძინოთ.
როცა ბავშვთან ერთად სასეირნოდ მიდიხართ, საფულე თან მიგაქვთ?
1. ყოველთვის;
2. თუ მაღაზიაში შესვლას არ ვაპირებ, არა;
3. თუ სათამაშოების მაღაზიასთან უნდა გავიარო, არა, რადგან თავად ვერ შევიკავებ თავს.
როგორი სათამაშოები უყვარს თქვენს შვილს?
1. გასართობი;
2. კონსტრუქტორები;
3. ის ყველაფრით თამაშობს.
ბავშვი სათამაშოებთან შეჩერდა და გთხოვთ, მორიგი რობოტი უყიდოთ, თქვენ კი მიგაჩნიათ, რომ რაც აქვს, სავსებით საკმარისია. რას ეტყვით?
1. შენ უკვე დიდი ხარ და უნდა ხვდებოდე, რომ…
2. უხსნით, რა ნაკლი აქვს ამ სათამაშოს;
3. ამბობთ მტკიცე არას და კამათს აღარ აგრძელებთ.
სად გირჩევნიათ ბავშვისთვის სათამაშოების ყიდვა?
1. სადაც წააწყდებით;
2. საგანგებოდ შერჩეულ ადგილებში;
3. მხოლოდ განსაზღვრულ მაღაზიაში.
როგორ ფიქრობთ, უნდა ჰქონდეს თუ არა 4 წლის ბავშვს ფული?
1. არა, საამისოდ ჯერ პატარაა;
2. დროდადრო აძლევთ პატარას მცირე თანხას;
3. ბავშვს აქვს ყულაბა.
ტესტის შედეგები
ახლა მოემზადეთ, რათა ცოტა რამ შეიტყოთ საკუთარი თავის შესახებ, რადგან ეს ტესტი გამოავლენს არა თქვენი შვილის თვისებებს, არამედ თქვენს დამოკიდებულებას ფულის მიმართ.
ჭარბობს პასუხი 1
აუცილებლად უნდა იმუშაოთ საკუთარ თავზე. ეჭვს არ იწვევს, რომ ბავშვის ჩვევა, იყვიროს, მოითხოვოს, იტიროს, იატაკზე გაგორდეს და იფართხალოს, თქვენ ჩამოაყალიბეთ და ამჟამადაც უწყობთ ხელს მის პროგრესირებას. სწორედ მშობლების ბრალია, რომ ბავშვი ფიქრობს: “სურვილს მაინც ავისრულებ!” რასაკვირველია, ასეთი აღზრდა კარგს არაფერს მოგვიტანს. თქვენთვის ეს ისედაც ცხადია. გაცილებით მნიშვნელოვანია გავარკვიოთ, რა არის ისეთი თქვენს მსოფლმხედველობაში, რომ ბავშვის უსაფუძვლო მოთხოვნები ქვეცნობიერად ბუნებრივად მიგაჩნიათ. თქვენ ვერ გრძნობთ საკმაო სიმტკიცეს, რათა წინააღმდეგობა გაუწიოთ ბავშვის ჭირვეულობას. იქნებ დანაშაულის განცდა გაქვთ იმის გამო, რომ ბევრს მუშაობთ, იშვიათად ხართ შინ და ასე ცდილობთ საკუთარი დანაშაულის გამოსწორებას. კარგად გესმით, რომ თქვენს შვილს სულაც არ სჭირდება ახალი ბაჭია თუ მანქანა; პატარა იმიტომ ითხოვს სათამაშოს, რომ მას თქვენი სიყვარული და სითბო აკლია. ვერავითარი საჩუქარი ვერ შეცვლის დედის სიყვარულსა და ყურადღებას. ეცადეთ, ერთი საღამო გაატაროთ შვილთან, ითამაშოთ დახუჭობანა, დაჭერობანა და დაინახავთ, რომ მეორე დღეს პატარა მაღაზიას მშვიდად ჩაუვლის.
ჭარბობს პასუხი 2
ჯერჯერობით ახერხებთ, შეინარჩუნოთ ბალანსი ბავშვის მოთხოვნებსა და თქვენს რეალურ შესაძლებლობებს შორის, თუმცა ეს ბალანსი ძალზე მერყევია. არ დაგავიწყდეთ, რომ თქვენი შვილის სურვილთა დიაპაზონი და მშობლებით მანიპულირების უნარი დღითი დღე იზრდება, თქვენი შესაძლებლობები კი მას ფეხდაფეხ ვერ მისდევს. ბავშვები შესანიშნავად ხედავენ მშობლების სუსტ მხარეებს და ხშირად უფროსები ვერც კი ხვდებიან, როგორ ახდენენ შვილების კაპრიზების პროვოცირებას. ცხადია, ასაკთან ერთად ბავშვი არ შეიცვლება, პრობლემა თავისთავად არ მოგვარდება. იმისთვის, რომ ოჯახის ფინანსურ კეთილდღეობას საფრთხე არ დაემუქროს, უნდა გვახსოვდეს წესები, რომელთა დარღვევაც არ შეიძლება. სიტყვა “არა” ნიშნავს მყარ უარს და არა ვაჭრობის დაწყებას. თუ კამათი დაიწყო, ბავშვი ნამდვილად დაგამარცხებთ. თუ სახანძრო მანქანა არ იყიდეთ ორშაბათს, მისი ყოდვა არც ხუთშაბათსაა საჭირო, არც მაშინ, თუ დაიღალეთ და პატარას მოთხოვნებისთვის წინააღმდეგობის გაწევა გიჭირთ.
ჭარბობს პასუხი 3
თქვენი პოზიცია სწორია. თქვენ არ აძლევთ ბავშვს საშუალებას, თავის ჭკუაზე გატაროთ. პატარა ვერასოდეს გახდება ტირანი. თქვენ შესანიშნავად გესმით, რომ აუცილებელია ბავშვის სურვილებისა და თქვენი ფინანსური შესაძლებლობების დამთხვევა. თუმცა აქაც არსებობს ერთი საშიშროება – ზედმეტი არ მოგვივიდეს. ბავშვი, რომელსაც ყველაფერს უკრძალავენ, შესაძლოა გაიზარდოს შეგნებით “ჩემთვის არ შეიძლება”, “მე არ ვარ ღირსი”. ამიტომ აუცილებელია, როგორც არ უნდა გვიჭირდეს, ბავშვს დროდადრო მაინც ვაჩუქოთ სათამაშოები. მას უჭირს გაუძლოს ცდუნებას, როცა ლამაზ პისტოლეტს ხედავს, მაგრამ თუ მაღაზიაში რამდენიმე დღე არ დაბრუნდებით, ბავშვს სათამაშო დაავიწყდება. თუ აიღებთ მუყაოს, ფერად ქაღალდს და ბავშვს პისტოლეტს თქვენ გაუკეთებთ, მას ექნება უძვირფასესი სათამაშო, რომელშიც მისი მონდომება და თქვენი მზრუნველობაა ჩაქსოვილი. უფროსებმა ხომ შესანიშნავად ვიცით, რომ სათამაშო და ტკბილეული ბავშვისთვის სულაც არ არის მთავარი; მშობლების ყურადღება და სიყვარული გაცილებით ძვირფასია.
(არ წაიკითხოთ ქვემოთ დაწერილი კითხვები სანამ არ უპასუხებთ)
1. რა გქვია?
2. გიყვარს ოცნება? (დიახ ან არა)
3. გიყვარს ნაყინი? (დიახ ან არა)
4. ბიჭის სახელი.
5. ციფრი 1-დან 100-მდე.
6. ციფრი 1-დან 4-მდე.
7. როგორი საჭმელი გიყვარს,ტკბილი,ცხარე თუ მლაშე?
8. გიყვარს შოკოლადი? (დიახ ან არა)
9. გიყვარს ცეკვა? (დიახ ან არა)
10. ციფრი 1-დან 32-მდე.
11. ციფრი 1-დან იმ ციფრამდე რომელიც წინა კითხვაში (10) დაწერე.
12. საყვარელი ცხოველი.
13. საყვარელი მოსაფერებელი სიტყვა.
14. ყოფილხარ ანტარქრტიდაზე? (დიახ ან არა)
თუ ყველა კითხვას უპასუხე გადავიდეთ მეორე ეტაპზე. ახლა წაიკითხე ქვემოთ მოცემული კითხვები,უპასუხე ისინი რაც ფურცელზე დაწერე და იხალისე :)))
____________________________________________________________________________________________________________________________________________________________________________________________________________________________________________________________________
1. შენი სახელი?
2. დარწმუნებული ხარ?
3. გიკოცნია როდესმე?
4. ვისთვის?
5. რამდენჯერ?
6. რამდენი ქულით შეაფასებდი?
7. როგორი გემო ჰქონდა?
8. სადმე გაისეირნეთ?
9. კარგი ბიჭია?
10. რამდენი კბილი აქვს?
11. შენ რამდენი კბილი ჩამოუღე,კოცნის მერე რომ გაარტყი?
12. ვის ან რას დაემგვანა?
13. და მან რა გითხრა?
14. კიდევ გაიმეორებდი? :)))
თუ სიცილის დროს ნეკი თითით ეხებით ტუჩებს
საკუთარი შეხედულებები გაქვთ ქცევის წესებსა და მანერებზე და მათ მკაცრად იცავთ, ამასთან, ყურადღების ცენტრში ყოფნა გიყვართ.
თუ სიცილის დროს ტუჩებზე ხელს იფარებთ
ცოტა მორცხვი ხართ და საკუთარი ძალების არ გჯერათ. აქტიურობას ერიდებით, ჩრდილში ყოფნა გირჩევნიათ. თავს მაშინაც კი უხერხულად გრძნობთ, როცა გაქებენ. გირჩევთ, ნუ გაგიტაცებთ თვითანალიზი და თვითკრიტიკა.
თუ სიცილის დროს თავს უკან სწევთ
მიმნდობი ხართ. ხშირად გაუთვალისწინებელ, არაპროგნოზირებად ნაბიჯებსაც დგამთ, ამ დროს მხოლოდ ინტუიციით ხელმძღვანელობთ. უმჯობესია, გონებას დაუჯეროთ.
თუ სიცილის დროს ხელით სახეს ეხებით
მეოცნებე ხართ. ეს ცუდი არ არის, მაგრამ არ ღირს არარეალური ოცნებებისთვის თავგანწირული ბრძოლა. რჩევა: პრობლემებს უფრო რეალურად მიუდექით, ფხიზლად იყავით და ყველაფერი რიგზე იქნება.
თუ სიცილის დროს ცხვირს იჭმუხნით
თქვენი გრძნობები და შეხედულებები ცვალებადია. ემოციური და ჭირვეული ადამიანი ბრძანდებით. ადვილად ემორჩილებით წუთიერ განწყობას, რაც თქვენ და გარშემო მყოფებსაც სირთულეს გიქმნით.
თუ ხმამაღლა, მთელი ძალით იცინით
კეთილგანწყობილი, კეთილსინდისიერი ადამიანი ბრძანდებით. ადვილად ეგუებით სხვადასხვა გარემოებას და ადამიანებს. გრძნობებს ყოველთვის აკონტროლებთ. იშვიათად, ვინმეს აწყენინოთ ან თქვენი მიზეზით ვინმე დაზარალდეს.
თუ სიცილის დროს ხელით ნიკაპი გიჭირავთ
გაწონასწორებული, თავდაჯერებული, გონიერი ბრძანდებით. საქმიანი და მიზანმიმართული ხართ, ზოგჯერ საჭიროზე მეტადაც კი. ასეთ სიტუაციებში ეცადეთ, საკუთარ თავს სხვისი თვალით შეხედოთ.
თუ სიცილის განსაზღვრული მანერა არ გაქვთ, ინდივიდუალისტების ჯგუფს მიეკუთვნებით. ყველგან და ყველაფერში საკუთარი აზრითა და შეხედულებით ხელმძღვანელობთ. ხშირად სხვის აზრს არავითარ მნიშვნელობას არ ანიჭებთ, რაც ბევრს არ მოსწონს.
შეკითხვებს უნდა უპასუხოთ „კი“ ან „არა“.
1. გშურთ თუ არა მდიდარი ადამიანების?
2. გძულთ თუ არა რომელიმე თქვენი ნათესავი?
3. ხშირად მგზავრობთ უბილეთოდ?
4. შეგიძლიათ სკანდალის მოწყობა?
5. იყოფთ თუ არა ხელს ცხვირში?
6. გჩვევიათ თუ არა ფრჩხილების კვნეტა?
7. ხშიარად ცრუობთ?
8. გინატრიათ თუ არა სხვისი სიკვდილი?
9. გქონიათ კუჭის შეკრულობა?
10. დაგიყრიათ თუ არა ნაგავი ქუჩაში?
11. გქონიათ თუ არა სექსუალური ლტოლვა თქვენივე სქესის მიმართ?
12. მოგიპარავთ თუ არა რაიმე?
13. იგინებით თუ არა საზოგადოებრივი თავშეყრის ადგილზე?
14. გიღალატიათ ოდესმე?
15. ხშირად გაქვთ სკანდალი ოჯახში?
დაითვალეთ შედეგები, ყოველ პასუხზე „კი“ დათვალეთ 2 ქულა, ხოლო პასუხზე „არა“ 0 ქულა.
____________________________________________________________________________________________________________________________________________________________
0 – 12 ქულა. თქვენ შეგიძლიათ საკუთარი უარყოფითი თვისებების შესახებ ხმამაღლა ისაუბროთ. არ გახასიათებთ თვითკმაყოფილება, лицемерить პირიქით, ცდილობთ ადამიანებს ისეთი ეჩვენოთ, როგორიც სინამდვილეში ხართ. მთავარი ღირსება კი, რაც გაქვთ, გყოფნით ძალა, საკუთარი შეცდომები თავადვე აღიაროთ. მაგრამ , იცოდეთ, არ ღირს ნაკლზე ყურადღების გამახვილება. შეცდომებს ყველა ვუშვებთ, მისი აღიარება კი ყველას არ შეუძლია.
13–22 ქულა. ორიდან ერთია: ან იდეალური ხართ, ან ბოლომდე რაღაცას არ ამბობთ. იქნებ, უბრალოდ, არ ხართ მზად საკუთარი შეცდომები აღიაროთ. თუ მაინც ჩათვლით, რომ ტესტის შეკითხვებისთვის მაინცდამაინც გულწრფელად არ გიპასუხიათ, გაიარეთ თავიდან .
23–30 ქულა. ალბათ თქვენთვის ტესტის გარეშეც უთქვამთ, რომ ყოველთვის გულწრფელი არ ხართ. თუმცა, იყოთ ისეთი, როგორიც ხართ, თქვენი პირადი საქმეა. ადამიანი თავად ირჩევს, როგორ იცხოვროს. ალბათ კითხვებზე სწორად არ გიპასუხიათ, რადგან ადამიანი არ შეიძლება იდეალური იყოს. გულწრფელობა თქვენი თვისება არ არის, როგორც ჩანს, ის არც გჭირდებათ ))
ადამიანის ფსიქოლოგია 