როგორც მთხოვეთ “სხეულის ენა” როგორ ამოვიცნოთ ადამიანის ქცევის მიხედვით მისი ხასიათი ?

თქვენც გეცოდინებათ რამე, მგონი საკმაოდ საინტერესოა

მამაკაცის ხასიათში მორიგი ფსიქოლოგიური ექსკურსის ჩატარებას შევძლებთ, თუკი მას კანფეტებით გავუმასპინძლდებით და დავაკვირდებით, რას უზამს კანფეტის ქაღალდს.

• ქაღალდისგან პატარა გემს აკეთებს? გამომგონებელია. ასეთ მამაკაცებს ექსპერიმენტები უყვართ და ავანტიურაზეც თანხმდებიან ხოლმე. თანაც, სიახლის წყურვილი ინტიმურ ცხოვრებაშიც ვლინდება, ხანდახან თქვენი სურვილის გათვალისწინების გარეშეც. ამიტომ ყურადღებით იყავით.

• თუ აკორდეონივით კეცავს, სერიოზულ საგონებელშია. როგორც ჩანს, რაღაც პრობლემები აქვს და გამოსავალი ჯერ არ უპოვნია. შეგიძლიათ ამაში დაეხმაროთ, მაგრამ პრობლემის გადაჭრით კი არა, დანარჩენის მოგვარებით. შეუქმენით მაქსიმალურად კომფორტული ყოფითი პირობები, მაშინ თქვენი მეგობარი მთელი სერიოზულობით მოგეპყრობათ.

• როცა თქვენი რჩეული ქაღალდისგან ბურთს აკეთებს, შეიძლება ვიფიქროთ, რომ ის დაიღალა რაღაც კონკრეტული საქმისგან კი არა, ყოველდღიური რუტინისა და საზრუნავისგან. თუ გსურთ მისთვის აუცილებელი გახდეთ, მის ცხოვრებაში მრავალფეროვნების შეტანას შეეცადეთ: მოაწყვეთ ქალაქგარეთ გასეირნება, ლაშქრობა თეატრში ან უბრალოდ რომანტიკული საღამო სანთლებით.

• მამაკაცები, რომლებიც ქაღალდს კონვერტად კეცავენ, როგორც წესი, პუნქტუალურები არიან და წესრიგი უყვართ. გარდა ამისა, ყოველთვის დასახული მიზნისკენ მიდიან, რადაც უნდა დაუჯდეთ, სულ ერთია, ეს კარიერას ეხება თუ ურთიერთობებს.

• თუკი ქაღალდს ნაკუწებად ხევს, ყურადღებიანი და მომთმენი იყავით. როგორც ჩანს, სტრესი აქვს, რომლიდანაც ვერ გამოდის. ამ მდგომარეობაში შარიანია და ნერვული, ამიტომ ნუ გააღიზიანებთ და არ გააკეთოთ ისეთი რა, რაც მას არ მოსწონს.

• ასწორებენ ქაღალდს მამაკაცები, რომელთა ბუნებაში ვინმეზე ზრუნვის სურვილია ჩადებული. მართალია, ისიც სურთ, რომ მათზე იზრუნონ. ასეთ მამაკაცთან ყოველთვის მშვიდად და კომფორტულად იქნებით.

• მილებად ახვევენ ქაღალს ის მამაკაცები, რომლებსაც სიყვარულში იმედგაცრუება ხვდათ წილად. მათგან ინიციატივის გამოვლენის ლოდინი დიდხანს მოგიწევთ, ამიტომ თუ მოგწონთ, ყველაფერი თქვენს ხელში აიღეთ.

• თუ თქვენი ნაცნობი ქაღალდისგან ჩალიჩს (იგივე ჟგუტი) ახვევს, ეს იმაზე მეტყველებს, რომ საკუთარ თავს ვერ ურიგდება. როგორც წესი, ასეთი მამაკაცები უამრავი კომპლექსისგან იტანჯებიან და ამიტომ მთელ ქვეყანას უბრაზდებიან. თუკი დაეხმარებით ამ პრობლემასთან გამკლავებაში, გულწრფელ მადლიერებას იგრძნობთ. უთხარით ხოლმე კომპლიმენტები, ხაზი გაუსვით დამსახურებებს – დაეხმარეთ თქვენს მეგობარს, ირწმუნოს საკუთარი თავის, ამით თქვენც ბევრს მოიგებთ.